البهدلة والمرمطة 😫 والفكر والتعب والهم والقلق 😟...والشفتات اللى الواحد بيحرق دمة فيها وفى الاخر لا حمد ولا شكرانية علشان ماليش فى العسل..ولا مرشوش عليا سكر 😏 😏😏...ولا بلبس بدلة بلياتشو واطلع على المسرح 🕺💃 اترقص للى بيسقفوا 🤡🤡 علشان يسقفوا👏👏....واترمى بالورود🌹🏵️🏵️....ويتصفرلى🌬️🌬️...ماليش انا فى تكبير الامور💢....ولا فى تعرييييض الدنيا اوى كدة...عادى...خلصنا يعنى 😒 .. شغلى وبعملة ومابجريش علشان اخد سوكسيهات على المسرح🤹👯💃...مسرح اية ونيلة اية...فضاااااااا💅.....مافييش حيل اطلع علية اصلا🤦....ثم ما ان شاالله ماحد سقف اساسا 😒😒😒
المهم...الحاجات دى خلتنى مابقتش انام 😳😳 ومع رمضان الوضع بقي اسوأ..اللى حواليا بقوا يخافوا منى..قبل الفطار بساعة ببقى قاعدة بس فاصلة..كأنك فاصل عنى سلك من سلوك الكهربا...مش كلهم....كام سلك وسايب كام سلك تانيين بيلمسوا......🤖🤖
ببقى وسطتهم ومش معاهم...بعد الفطار بساعة نفس الحالة...مابيبقوش فاهمنى قوى...هى عايشة ولا ميتة ولا روحها اتقسمت نص مسافر ونص معانا😶 ...يكلمونى ارد.....
داليا الفطار...اقوم افطر 🍝 واكمل فصلان ....شاى 🍵..اشرب واكمل فصلان...نسكافية ☕....اشرب وانا فاصلة....لو فى البيت ساعات كمان مواعين 🍽️ 😌 اغسل..واكمل فصلان....فى الشغل اشتغل واكمل فصلان...بس مع كل اكشن بستدعى لية يأكتفنى وقت الفصلان...بفقد حتة منى 💔...واتزانى بيقلل شوية بشوية...وبروووح.....🌀
ساعة الفطار....وانا فاصلة برد...وبتعامل..وبدخل عيانين...وبشتغل...وارد على ناس..بس انا مش هنا....اة والله ....ببقي فى حالة شبه غيبوبية غريبة..😶
تمر الساعة اللى قبل واللى بعد الفطار ابدأ افوق...اصهلل على الساعة ١٠ ونص🕥...واشتغل واشعلل النباتشية وافضل كدة للساعة ٥ العصر 🕔 تانى يوم...وترجع الكره وارجع افصل تااانى...😵
النباتشيات شايفنى ريبوت غريب بيهنج وبيلمس 🤖🤖 لكن مستمر...تصرفاتة غريبة وهو مهنج....مش هو...بس بيتعامل...مش مظبط بس اهو بيرد...مدروخ وبيتطوح 😵💫 ومش متزن....بس ماوقعش لسة...معانا ومش معانا..عايش ومش عايش...😬
البيت شايفينى زومبي👹👹💀☠️...ايوة...وبدأوا يتعاملوا معايا على هذا الاساس خلاص.....اساسا قبل ما اكون زومبى كنت كائن بوهيمى👽 عصبى 👿 غريب عجيب👾👻..... سبحان الله..😌
ساعتى البيولوجية اصابها التخلف💣💤...و شايفانى اتجننت او مقبلة على العته بكل قوتى😜...فظبطت نفسها انها تهنج ساعة...بس تهنج...علشان لو حد خبطها🔨⚒️🛠️ او رسترها تشتغل تانى وماتتعارضش معايا...
ساعتى البيولوجية عارفة انى خلصت...استنزفت نهائيا 😫... بس عندها امل....وبتحاول تدور عليا علشان تشوف لسة فيا فايدة وممكن اتشحن 🔋📈📈...او حتى اتفرمت وارجع طبيعية...ولا خلاص...بح....اترمى احسن 🚮🚮 😕
هو انا لسة بسأل ⁉️❓...بسأل عن اية 🤔🤔....فين....مين.......هو انا ...هو انا اية 💤💤 ؟!!!
ليست هناك تعليقات:
إرسال تعليق
يسعدنى اراء القراء :)
ارجوا ان تحوز اعمالى الاعجاب