44- تأملات....((كلمتين وبس ‏😉😎))

تأملات.....😐

>>مع احترامي ليك..بس انت ..تييييييت...😈
>>اللهم لا شماتة...بس شوف اللي حصلك..يااا انا فرحان فيك....😎
>>انا بحبك...بس انت ابن كذا وكذا...بس بحبك...😒

  دي جمل من خصائص الشيزوفرنيا اللي بيتمتع بيها القديسين اللي ما بيغلطوش اللي عايشين معانا علي الارض....اللي نصبوا نفسهم قضاة وحاكمين وعينوا نفسهم قائمين علي غيرهم....اللي بيدوا احكام مسبقة...وبينظروا...وبيدوا نفسهم الحق انهم يقيموا غيرهم....ويحكموا علي مافي نفوس غيرهم...ويصنفوة....ويحكموا علي حياتهم واختيارتهم وتصرفاتهم وعيشتهم...
   ولانهم قديسين....لا يخطئوا.....ولا يشمتوا.....ولا يكرهوا.....كائنات نورية منزهة.....فلازم يلبسوا كلامهم عبائة السمو والنبل الزائفة اللي بتكمل الشكل...

   اصل انا عاوز اغلط...ونفسي اشتم...وانت جايلي متظبط...وحابب اكمل مع اللي مبهدلينك دول 😈....بس انا منصب نفسي ناصح امين نبيل...يبقي نحط رشة مع احترامي ليك ..

   اصل انا شمتان 😂😂....فرحاااان قوووي في اللي بيجرالك دة....شوف يا جدع يااااااا😆...بس انا المفترض بدي احكام مسبقة بما اتمتع به من سمو عن باقي البشر...يبقي نحط تاتش اللهم لا شماتة..
  
   اصل انا كارهك 😬😬...وبصراحة نفسي اديك علي دماغك مع اللي عمالين يدوك....واعملها معاك ....بس المفترض انا الكائن النقي اللي بيحب الكل....وبيصاحبك و اللي بيدي احكام مسبقة...ومنزه عن افعالكوا يابشر ادني...يبقي نضيف انا بحبك...ودوووس.....

    ايتها الكائنات السامية...العالمة الحاكمة...الواعظة الفاهمة....الحاكمة علي غيرها....اللي نصبت نفسها فوق البشر...اللي شايفة ان من حقها انها تحكم علي غيرها وتصنف وتستف في الناس...وتعلي ناس وتخسف بناس....وتحكم علي تصرفاتهم...واختياراتهم وطباعهم...اصحاب الاحكام المسبقة...... الكائنات النورية .......

  هكلمكوا بالطريقة الوحيدة اللي بتفهموها😇😇

    مع احترامي ليكوا....انا بحبكوا...قووووي يعني 😈....بس بجد انتوا ناس فلة...و زي الفل.....سيبونا احنا البشر الخطائين اللي ما بنحكمش علي غيرنا....واللي بنعذر ظروف غيرنا....واللي بنراعي ان ممكن غيرنا دة يكون احسن مننا مليووون مرة.  مالناش الحق لا نحكم علية ..ولا نصنفة....حبايبي...بحبكوا😍😍....

    مع احترامي ليكوا 😊....بجد شخصياتكم ودماغكم....لا تحسدوا عليها......اللهم لا شماتة😈...

👏👏👏ملحوظة 👌👌 ...

شابوة ليحي الفخراني...في مشهد نهاية ونوس...انا الذكي...انا الزاهد...انا العابد...انا المخلوق من نار...انا احسن منة...
👍👍👍👍👍والمعني في بطن الشاعر.....😉😉

43- تخاريف ليلية ((انا اتجننت))...فضفضة معايا :)

انا مش فهمانى...بجد مش فهمانى...والله مافهمانى...

   هو انا قوية وشديدة وبميت راجل....ولا ضعيفة اوى وهشة من جوايا وطفلة....

   بتحمل مسئولية...وبقف برغم اى حاجة... ولا بخاف من المسئولية...وبهرب...وبستغل اى فرصة علشان ارميها....

   قلبى جامد...ولا قلبى ارق مما اتخيل....

  مجنونة ولا عاقلة....هو انا اكيد لاسعة...اكيد...بس فى اللى بيقول ان دماغى توزن بلد....

  بحس انى هبلة اوووى....بس بفهم ورا السطور اوووى...

  بكبر وماباخدش بالى....ولا كل حاجة بحللها واجيب كل زواياها...واهريها فحصا وتمحيصا...

  طيبة....ولا قاسية.....

   كئيبة وبحب مود كتابة الشجن....ولا بقعد اضحك فى اى حد احسة بس متضايق وانكت....واقلبها مسخرة...

   حتى مزاجى...بتفرج على الكرة والاستادات التحليلية..ولا اقعد اعيط مع فيلم زى
walk to remember,,,

    بتفرج على الكارتون بالساعات واسمع اغانى....ولا بقعد اقرا لشكسبير وديكنز.....ونجيب محفوظ واحسان عبد القدوس...

    بالى طويل.....ولا معنديش خلق.....
الاتنين...بشكل شنيع!!!!

    مين بيتحكم فيا قلبى...ولا عقلى....

     انا جوزائية اة.......بس مش لدرجة انى مش عارفانى يعنى....

  الله يمسيك بالخير يا عبد الباسط يا حمودة :D

     مش لسة بقول..انا متأكدة من حاجة واحدة بس...

    انا لاسعة...

     انا اتجننت.....

42 ‎- من الاخر وبجد...

  قمة الاستفزاز...لما الاقى بنت شايفة  الجواز بس للجواز هو قمة الطموح...وانة لازم وخلاص....وانة جزء من الروتين زى الاكل والشرب وكدة يعنى...وان الموضوع مجرد روتين ويلا واللى بعدة :/
بغض النظر عن اى شئ بقى......لا طموحها...ولا علمها ..ولا مشاعرها..ولا حياتها فارقين...

ممكن اكون انا كمان مستفزة للناس دى...لانى عايشة شوية فى احلام وردية زى ما بيقولوا...

  معلش..زى ما بستحملكوا استحملونى....جواز بدون عقل..يبقى همجية...وجواز بدون حب يبقى نهاية...
الحب هيجى..بدرى متأخر هيجى...بس لازم حب...اصلة ماينفعش...ومايجيش...

   حتى التضحيات اللى بتقولوا عليها...ازاى اضحى علشان حد مابحبوش..ازاى اعيش مع حد مابيحبنيش ويضحى علشانى زى ما مطلوب انى اضحى علشانة...
ومع ذلك الحب مش تضحية وبس..الحب تفهم...خوف على حبيبك...اهتمام...سؤال...تفكير..ايوة تفكير...الحب ان حبيبك يفضل فى بالك...مهما كانت ظروفك..ومهما كانت حياتك....

   اة ممكن اكون من اصحاب فكر ان الحرية افضل...وانى كتييييير بهرب من الارتباط....بهرب وببعد....خوف....تردد...قلق ممكن..بس بفضل الابتعاد لما بحس ان فية حاجة......الموضوع سهل...بعترف اهو...

   واعتراف كمان انى ممكن اكون بأفور لما اقول كدة اريح.....ومش عاوزة دلوقت ولا بعدين...وكفاية عليا مستحملة نفسى :) ....

   بس بعترف بردوا وبكل صراحة...اصل عادى يعنى..دة رأيى والكل عارفة.......يمكن رأيى دة جة لانى ما لقتش حب بجد....عقل بجد...فكر بجد...ما اقتنعتش بجد.....ماحبتش بجد.. ماتحبيتش بجد....

   عادى....بغض النظر عن الاسباب....يمكن انا السبب انى بهرب او ببعد...او بخاف وبفضل السلامة...اصل الحب دة لو الواحد دخلة سكتة كلها مطبات..واذية لو جة لا قدر الله مع حد ما يستهلكش....اذية كبيرة قوووى..بالذات لحد زيى..لو حب هيحب...هيحب قوى....هيحب بجد يعنى مش هزار :D

   معرفش...اللى اعرفة انى عمرى ما هتنازل....وعمرى ماهيفرق معايا وقت...او الهبل اللى اسمة القطر اللى بيعدى....او حتى احب اقلد غيرى...بالعكس...انا اساسا بيصعبوا عليا :D

   اة...ممكن اكون من اللى بيسموهم مضربين :) بلغتكم...
اة مضربة...مش فارقة...مش عاوزة....وبناقص....ايوة يعنى ماكلكوا عارفين اية الجديد :)

   بس الجديد..ان اضرابى لة اسباب...والمفاجأة انة كمان ممكن يتفك...اة والله يتفك....ويتكسر واندب على بوزى ...بس لو قلبى وعقلى لقوا اللى بجد...اللى يفكوا اضرابى....بجد.....
      يخليهم يحبوا...والاهم يتحبوا ...بجد ؛)

41- انا ايضا مستمرة..انت ايضا مجبرة...

    مجبرة.....نعم مجبرة.....فلم يعد لدى الوقت كى انعى نفسى او ارثى حالى بعد كل لطمة اتلقاها..او خذلان..او ظلم يلقى على كاهلى...لم يعد لدى الوقت كى اجلس لافكر لماذا....فالاستمرار اولى...او كى ابكى على كسر ....فسرعة اصلاحة افضل...او ان اتوقف لارى ذلى وقهرى...فالاستمرار هو الخيار الوحيد..

   الوقت رفاهية لم اعد املكها...والحياة تستمر..بكى او بدونك...وان كان الظلم او اللطمات او المعوقات و كثرة الخذلان عوائق توضع لى كى اتوقف...فستستمر الحياة بكل الصور...لن تتوقف معى لتواسينى..لن تركن معى على حائط الالام لتستمع لانينى..ولن تأتى لتجفف دمعة لن تستمع فى البداية لسببها ولن تلتفت لما يبكينى....ولن تتوقف عما يشجينى..

     لم اعد امتلك تلك الرفاهية...او غيرها.....لم اعد املكها.. نعم... مجبرة على الاستمرار.....بكسرى او بقوتى ستستمر الحياة...بى بدونى ستستمر...بدمعى او بابتسامتى ستستمر...بتوقفى او بحركتى ستستمر..

     اذا سأكسر ولكنى سأستمر...سألطم لكنى ساستمر..سيتم خذلان قلبى وعقلى الالاف بل ملايين المرات..ولكنى ساستمر....سأهزم..ولكنى سأستمر..سأظلم..ولكنى سأستمر....

      لانى لم اعد املكها...رفاهية الوقت تلك...
فهى مستمرة..الحياة...بى او بدونى...لذا يجب ان استمر..بأى شكل...بأى صورة...بأى حالة...لن يتوقف على احد...لن يتوقف لى احد....لن يهتم بى احد...فقط انت...فقط انا...ليس لى سواى....مجبرة...نعم...

     مجبرة على الاستمرار بأى ظروف.... لا احد يتوقف....ولن تتوقف هى لى او لدموعى او حتى دمائى....نعم مجبرة على الاستمرار....نعم انا مجبرة...

  ولكنها مجبرة ايضا...مجبرة على تقبلى وتقبل معاندتى وكئاباتى وتذمراتى وخوفى وشقائى وسعادتى و ذلاتى....مجبرة على تحملى وتحمل اخطائى وصعودى ونزلاتى..مجبرة على خيباتى وانتصراتى ..مجبرة على لحظات غبائى ولحظات عبقرياتى..مجبرة على شكواى ولحظات شرى ولحظات خيراتى.....نعم مجبرة...

     ايتها الحياة..لست وحدك المستمرة ولست وحدى المجبرة...

    فأنا ايضا مستمرة...وانت ايضا مجبرة....