40 - السراب.. خاطرة من وحى الدنيا

السراب......

    تسقط الاقنعة..عندما تظهر الابتسامات الصفراء..والتحيات الزائفة...
تسقط..عندما تطغى شوائب النفس على صفاء الوجه الزائف..وعندما يظهر ظلام القلب ليغطى على نور الوجه الوهمى...
ليسقط القناع...ويتبدد السراب...فى صحراء اقف فيها يملئنى الظمأ الى صاحب وفى..او خل حقيقى..
  فأتخيل سراب اصنعة بنفسى لشخوص اتشبث بها...وعندما اصل..اكتشف انة مجرد سراب صنعه عقلى من شدة ظمأه لصاحب قلب صادق يصاحبة......

  لتستمر نفسى فى المضى فى صحراء الدنيا الجافة..راسمة ابتسامة سخرية على شفاه متيبسة من حمق عقل متوهم..ان فى تلك الصحراء المليئة بالعقارب والحيات...من يصلح رفيق..صاحب..او حتى معين..

ايتواجد الزرع فى القحط؟!!
اتتواجد حياة بدون ماء؟!!
اتتواجد صداقة بلا صدق..؟!!
ايتواجد حب بأنانية وزيف وحقد ؟!!

ايتواجد حب اصلا؟!!!!...
ايتواجد حب اصلا؟!!!!
ايتواجد حب اصلا؟!!!!...

39 - اكتشافاتى عن نفسى..((1-حلقاتى المفرغة))

   اكتشافات عرفتها عن نفسى....

  عندما اصل الى قمة الاحباط والاكتئاب...
واصل الى درجة من الكئابة لاتوصف...
وتتوالى عليا الصدمات ويخيب املى فى الكثيرين..ممن كنت اثق فيهم....
فاننى اميل لاى تفاهة اشغل بها عقلى واضعة فى غيبوبة اجبارية....واغوص فى غيبوبتى التى اجبر عليها عقلى بكل قوتى....بدلا من ان يضعنى مخى فى غيبوبة  يجبرنى هو عليها....قد لا افيق منها لا قدر الله...
   كما اننى اميل الى الانعزال التام...والبعد عن كل شئ....ماعدا تفاهاتى التى تخدر عقلى وتجبرة على الدخول فى غيبوبتى الشبه اختيارية......

   المشكلة...اننى اصبحت أعى ذلك.....فبات عقلى يحتاج لجرعة اكبر....كالمدمن الذى لم تعد تؤثر فية جرعتة المعتادة.....وهنا تكمن الصعوبة....فهكذا قد اصل لدرجة ابتعادى عن الجميع...حتى اقرب الاقرباء....وتوقفى عن كل شئ....حتى التنفس
وهذا يزيد الاختناق....وبالتالى الاحتياج لجرعة اكبر...

واظل ادور وادور....
فى حلقة مفرغة بلا نهاية.... :/

38 -تأملات.. ((6))... ..((صاحبك))

اخر ما كتبت...8 اكتوبر
((صاحبك))..

كلام فى الفاضى..والمليان...
حوار خيالى واقعى...او واقعى خيالى...بين اتنين..المفروض اصحاب..المفروض...
بس حوار من طرف واحد....مونولوج مش ديالوج..
مونولوج فى الحديث..و مونولوج فى المشاعر..
،،،،،،،،،،،،،،،،،،،،،،،،،،،،،،
  لو انت شايف انى عبء عليك..وانى بكئبك..
لو انت من نفسك ماعرفتش..انا فرحانة ولا بدارى حزن...انا محتاجة اهتمام وونس وصداقة حقيقيةولا بعد ومسافة وانعزال...
لو انت مش قادر تقدر ولا تفهم..وبتتحجج بمشاكلك الخاصة..او انانية ان الواحد مش عاوز حد يقرفة اكتر ما هو قرفان...يبقى انت ماتستهلش منى اعرفك بوقتى الحلو...ولا اشاركك افكارى...ولا استنى منك تفهمنى...او حتى تقدرنى...
بس للاسف هستمر اشاركك احزانك..واسمع لشكواك..لانى ببساطة مش زيك...
مش زيك هزهق..ولا هخترع نظريات تبرر زهقى من سماعك..للاسف لازم اسمعك...ولازم اقدرك...
حتى لو مشكلتك ولا حاجة...بس هقدرها..
وحتى لو جالى وقت وتعبت وزهقت ومش عاجبنى دة..يكفينى انى برضى ربنا فى بنى ادم هو وحدة اعلم بية...فمش انا اللى هحكم علية..
ياسيدى...هبلةبقى..مجنونة..قول اللى تقولة...
بس انا عارفة ان دخول الجنة ممكن يكون على اهون سبب..ويمكن سماعى لشكوتك..او تقديرى ليك حتى لو ماحكتش..مجرد اديك احساس ان حد جنبك وانت تعبان..من غير مايعرف مالك..او حتى لو بتحكيلى اى كلام وقافل على قلبك..ومتأكد انى عمرى ماهفهم ولا هقدر..وتلاقينى بقدر..وتلاقينى بسمع..وبطبطب..دى بتريحك..
يمكن انت مش محتاج دى فى حياتك..يمكن انت مش محتاجها..ويمكن انا صعبة..وانت تعبت..ومش بتستحمل..وعندك اللى مستحملة..مش هاجى انا يعنى وازود......
بس انا بقى محتاجة دى..انا بقى محتاجاها..و اة عندى اللى بستحملة..واللى مستحملاة قوى..بس لما بتيجى انت وتزود..بستحملك..وهستحملك....يمكن اضافتك دى هى المنجية ليا...انا محتاجاها..علشان كدة بستحمل..ولعلها المنجية ليا...
   ومش هقول انى هدور عليك...لا انا مش ملاك...وبرضوا بتعب..وبحب ابعد..وانعزل...
بس لما انت تدور عليا...اكييييييد مهما كانت حالتى ..ومهما كان يومى مليان ضغوطات وقرف واستحمال لغيرك كتيييير وطاقات سلبية بالهبل...اكييييد هتلاقينى...واكييييد هقدر...وهسمع.. وهطبطب....
   اخيرا....كل دة يدل على انك انت الاصح...لانك عرفت تختارنى صاحبة وصديقة...
ويدل على انى كالعادة غلط...ومابعرفش اختار اصحاب..وغبية كمان...لانى للمرة المليون اخترت غلط...عااااادى..يلااااا..
،،،،،،،،،،،،،،،،،،،،،،،،،،،،،،،،،،،،،،
  صاحبك لو مااستحملش قرفك حتى لو كان كتير..مايستهلش حلوك حتى لو كان قليل..ومايستهلكش انت اصلا حتى لو كنت للكئابة بير..مايستهلش يبقى لاصاحب ولاصديق واخرة زميل..اهو بيكمل صورة الزملاء..اصل اخرة بس زميل..وحتى دة علية..هيبقى كتييير..وعجبى..